Una marca chì porta un’ identità forti

TARAVU hè una vaddi rimarchevuli incù un’ identità forti. A marca TARAVU ch’avemi circatu di sviluppà hà da fà splenda u nomi di a vadda, fendu la valè com’è un distinu maiori di a Corsica, adduniscendu tutta a so ghjenti, l’impresi, attrici di l’attrattività di u tarritoriu, intornu à valori cumuni di u tarritoriu è di un’ andatura d’insemi chì pidda cura di u fiumi. Avemi quì una marca sputica, impegnati è rispituosa di a natura, di a biodiversità è di l’Omini.

Una marca chì si scriva à longu andà in a menti di l’aienti tocchi da a cummunicazioni di TARAVU, una marca chì faci nascia una leia eterna incù i visitadori. A marca parmetti di creà valori per i socioprufissiunali chì l’adoprani è cusì creani una prifirenza vera par l’aderenti, i visitadori, una marca chì devi fà nascia u dialogu, stabiliscia lu è mantena lu à longu andà.

A criazioni di u logotippu

Un toru à trè capi fasciatu da u fiumi.

Quì, u toru à trè capi com’è u fiumi, mintueghja l’idea di a firtilità, di a forza è di a divizia.

Ci porta dinò versu i trè pievi di a vaddi, u Tàlavu, l’Ìstria è l’Ornanu o ancu i trè spazi chì ani fattu ribumbà un modu di campà par seculi, a piaghja, u paesu è a muntagna (ni tistimunieghja u ponti ghjinuvesi di a Trinità)

Una vaddi in lascita.

Dipoi 8 000 anni, l’omu hà sempri campatu rispittendu u fiumi da dà ci una vaddi incù tamanta ricchezza.

Oghji, li ci voli à priservà sta lascita di fronti à assedi è minacci parechji da pudè invità l’aienti ingordi di natura, di prudutti schietti è di spartera, di fà vultà a spaluzzera ma dinò di accodda famiddi novi par ricunquistà, incù raghjoni, u locu di a vaddi. Di sta manera, dumani, i ghjinirazioni di l’avvena avarani un locu di campà unicu chì cuntinuarà à risponda à i so bisogni. A ferma hè una leia trà passatu è avvena : u passatu com’è affirmazioni di valori, u prisenti com’è affirmazioni di una visioni è l’avvena com’è affirmazioni di una prumessa.

A noscia visioni

Un prughjettu di tarritoriu custruitu nantu à l’idea d’appaghjà l’attività di l’omu è di l’eculugìa incù pruposti parechji ufferti l’annata sana.
Murà un ligami trà l’aienti, i paesi, incù u scopu di sviluppà l’attichju di a vaddi par appaghjà puru i termini « à longu andà » è « sviluppu ».

A noscia missioni

Sparghja u nomi di a vaddi, fendu la valè com’è un distinu di primura di a Corsica, adduniscendu l’aienti, l’impresi taravesi, chì sò attrici di l’attichju di u tarritoriu, inghjiru à valori cummuni di u tarritoriu è di un’ andatura in cumunu avendu u scopu di piddà cura di u fiumi.

A noscia parsunalità

Una tarra di quiddi è di stintu incù una natura priservata ancu oghji, fiera di a so identità accertata è chì sprimi una voglia di sparta a so sputichezza.

A noscia prumessa

Sparta stondi d’emuzioni è trasmetta i sapè fà, muscià a sputichezza di u so ambiu naturali, artigianali, a robba sputica è i gusti da andà versu una vita in cumunu più bedda cù una dimensioni guasgi universali.