A Guvernanza

« Pinsà u tarritoriu » à traversu a vaddi di u Taravu chì hè sempri statu un polu maiori pà l’indentità è u sviluppu sucioecunomicu d’issu spaziu, ci pari più cà mai ghjudiziosu. Tandu, a guvernanza di a marca « Taravu, una vaddi in lascita » voli ammaestrà issa avvicinera tarriturializata com’è un prucedimentu dinamicu, circhendu à specificà l’insemi di tutti l’elementi ch’agisciani. Si voli essa pedagogica è uperaziunali.

Di fattu, a messa in opara d’una guvernanza tali, devi essa ammaestrata ind’una logica di « gestioni di prughjetti ». In d’altri termini, una guvernanza di prughjetti è d’azzioni chì và aldilà di a gestioni d’una sola marca pà impegnà si à prò di l’insemi di l’elementi ch’ani da parmetta u sviluppu durevuli è l’attratività di a vaddi di u Taravu. U fiumi pruttetu, a so vaddi sputica, naturali è armuniosa diventa, tandu un tarritoriu di prughjetti.

U modu di guvernanza

U modu di guvernanza sceltu si piazza trà una guvernanza publica lucali, induva l’eletti è i cullettività tarrituriali sò priuritariamenti ingagiati in a definizioni è a purtera d’azzioni missi in opara, è una guvernanza multilaterali caratterizata da l’impegnu d’una diversità d’attori publichi è privati in l’elaburazioni è a missa in opara di i pulitichi publichi lucali.

L’azzioni è i prughjetti s’arrembani nantu à a dinamichi di cullaburazzioni, sbucchendu nantu à a cocustruzzioni di l’intaressu generali à partesi di a diversità di l’intaressi in prisenza. I mudalità di regulazioni sò u fruttu di cumprumessi è ani com’è priurità l’evaluazioni spartuta.

Eppuru, ogni parta s’ingagia, in accordu cù a dichjarazioni universali di i diritti di i fiumi è fiumiceddi, à difenda u fiumi è a so vaddi è guarantiscia à u Taravu :

U dirittu di corri di manera libara.
U dirittu di riempia i so funzioni essenziali in u so ecosistema.
U dirittu d’ùn essa pulluatu.U dirittu d’alimentà è d’essa alimentatu da acquiferri durevuli.
U dirittu à a biudiversità indigena.
U dirittu à u rigeneramentu è a risturazioni.

L’instanza di guvernanza : u Cumitatu d’Azzioni

U ducumentu preciseghja i reguli di funziunamentu di u Cumitatu d’Azzioni di a guvernanza di a marca di tarritoriu « Taravu, Una vaddi in lascita ».

Issi reguli fissani i cundizioni inde i quali u Cumitatu d’Azzioni sottuponi à l’attori u statu d’avanzamentu di i prughjetti è di a so missa in opara.

Missioni di u Cumitatu d’Azzioni :

Fà crescia u prughjettu di a marca di tarritoriu.
Cuncepiscia è metta in opara u prugramma d’azzioni liatu à u prughjettu di a marca, assicurà u so seguitu, a so revisioni, attualisazioni s’eddu ci n’hè u bisognu.
Participà, s’eddu ci n’hè u bisognu, à l’evoluzioni di i prughjetti di tarritorii centrati nantu à a naturalità è a preservazioni di u fiumi Taravu.

In issu quadru, u Cumitatu d’Azzioni :

Definiscia l’assi di travaddu.
Lancia u prucedimentu.
Cunsulta i cullaburatori stituziunali è l’altri attori di tarrenu.

Cù i so cumpetenzi per ciò chì tocca à i spazii naturali sinsibuli è u sviluppu ammaestratu di i sporti di natura, in tantu chì struttura chì porta u labellu « Siti fiumiceddi salvatichi » è di a marca di tarritoriu « Taravu, Una vaddi in lascita », è in qualità di maestru di prughjettu pà l’azzioni di risturazioni, mantenimentu è di valurisazioni di u Taravu, a Cullettività di Corsica hè incaricata di l’animazioni di u prughjettu è di a cuncertazioni necessaria à a so missa in opara.

U Cumitatu d’Azzioni si cumpona di diferenti attori :

Riprisentanti di i Culletività tarrituriali fora di i stabilimenti publichi lucali :
- A Cullettività di Corsica
- L’insemi di i trentunu cumuni di a vaddi : Albitreccia, Arghjusta è Muricciu, Azilonu è Ampaza, Campu, Cardu è Torghja, Casalabriva, Ciamanaccia, Cugnoculu è Muntichji, Currà, Cuzzà, Frassetu, Furciolu, Grussettu è Prugna, Guargualè, Livesi, Macà è Croci, Palleca, Pila è Canali, Pitretu è Bicchisgià, Quasquara, Sampolu, Santa Maria Sichè, Sarra di Farru, Suddacarò, Tassu, Ulmetu, Urbalaconu, Vuttera, Zevacu, Zicavu, Ziddara.
Pà i riprisentanti di u Statu :
- A Direzzioni Righjunali di l’Ambienti, di l’Assestamentu è di l’Alloghju, l’Agenzia Righjunali di a Saluta, a Direzzioni Dipartimentali di i Tarritorii di u Pumonti.
Pà i riprisentanti di i stabilimenti intaressati :
- A cumunità di cumuni di a Pievi di l’Urnanu è di u Taravu è a cumunità di cumuni di u Sartinesu, Valincu, Taravu cù i so Uffizii di Turisimu.
- L’Agenzia di l’Acqua, l’Uffiziu Francesu di a Biudiversità, l’Uffiziu Naziunali di i Furesti.
- L’Uffiziu di l’equipagiamentu idrolicu di Corsica, l’Uffiziu di l’Ambienti di a Corsica, l’Agenzia di u Turisimu di a Corsica, l’Uffiziu di u Sviluppu Agriculu è Rurali di a Corsica, l’Agenzia d’Assestamentu Durevuli, d’Urbanisimu è d’Energia di a Corsica.
- U Parcu Naturali Righjunali di Corsica, a Federazioni di a Corsica pà a pesca è a pruttezzioni di l’Ecosistemi Acquatichi, u Polu d’Equilibriu Tarrituriali è Rurali di u Paesi Urnanu, Sartinesu, Valincu, Taravu, u Sindicatu Mistu di a Tumbera in Corsica, a Camara d’Agricultura di u Pumonti, a Camara di i Mistieri è di l’Artisgianatu è a Camara di Cummerciu è d’Industria di u Pumonti.
Pà i riprisentanti di l’utilizatori : l’insemi di i sucioprufessiunali (agricultura, attività di sporti di natura, turisimu, artisgianatu, impresariatu…) chì benefizeghjani di a marca di tarritoriu chjamata « Imbasciadori », l’associ prisenti nantu à u tarritoriu, l’attori culturali. Ogni membru hè un attori di u tarritoriu, di fattu, t’hà a so attività arradicata in l’acquapendi di u Taravu è sviluppa un’attività famiddali chì cuntribuiscia à u dinanisimu di a vaddi è a valurisazioni di i sapè fà. Devi essa, d’altrondi, impegnatu in a gestioni ghjusta di l’acqua è l’eliminazioni di i frazi chì esciani da a so attività, di manera armuniosa cù l’ambienti.

Lista sempri in evuluzioni.

A Cullettività di Corsica fissa i dati è ordini di u ghjornu di i seduti di u Cumitatu d’Azzioni chì sò mandati omancu quindici ghjorni nanzi à a reunioni, à tutti i membri di u Cumitatu. I cunvucazioni è i ducumenti liati sò mandati sia pà a posta sia pà currieru elettronicu. U Cumitatu d’Azzioni s’aduniscia omancu una volta l’annu.

S’aduniscia nanzi tuttu pà :

Seguità a missa in opara di u prugramma d’azzioni, mudificà lu s’eddu ci n’hè u bisognu.
Discorra è valutà i pruposti d’azzioni fatti da a squadra d’animazioni di u Cumitatu d’Azzioni (studii, urientazioni…) pà l’evuluzioni di a demarchja.
Fà crescia u prughjettu di a marca pà raportu à l’azzioni ingaghjati.

U Cumitatu pò, s’eddu ci n’hè u bisognu, dumandà l’avisu di sperti.

I seduti di u Cumitatu d’Azzioni ùn sò publichi ma, dopu à una dumanda à a Cullettività di Corsica, parsoni ch’ùn sò micca membri poni essa prisenti in tanti chì osservatori.

L’animazioni di u Cumitatu d’Azzioni è u sicritariatu amministrativu sò assicurati da agenti di a Direzzioni aghjunta Ecosistemi Acquatichi di a Cullettività di Corsica.

U Cumitatu d’Azzioni pò decida di creà cummissioni tematichi è/o geugrafichi secondu à i bisogni è l’avanzamentu di u prugramma. A lista è a cumpusizioni d’issi cummissioni poni dunqua crescia in u tempu.

Issi cummissioni sò cumposti da membri di u Cumitatu d’Azzioni ma poni accoglia parsoni da fora ma chì t’ani cumpetenzi utili è ricunnisciutu o chì cuntribuisciani à una megliu presa in contu di l’imbuschi lucali in u duminiu analizatu.

Issi cummissioni ani com’è scopu di travaddà à a missa in opara di prughjetti cuncreti purtati da attori. Sò animati da un membru di u Cumitatu d’Azzioni incaricatu di rendalu contu di i travaddi di a cummissioni.

Ci hè, particularmenti a cummissioni « Attribizzioni di a marca di tarritoriu », a cummissioni « Labellu situ fiumi salvaticu », cummissioni « Seguitu tecnicu è scentificu di u fiumi », a cummissioni « Prughjetti è valurisazioni » …

A naturalità di u fiumi in cori à un prughjettu di sviluppu durevuli di u tarritoriu

Taravu Una vaddi in làscita

Schema di a dimarchja