Altri

SAS Pantalacci

Paulu è Ghjuvanni Pantalacci ani criatu l’impresa SAS Pantalacci, un impresa di famidda, in Cuzzà, in cor’ di l’Altu Taravu.

Quidda impresa hè spicializata in u settori d’attività di i travaddi di spianamenti, di mazza maiò o di travaddi in furesta.

Paulu è Ghjuvanni impegnani i so faccendi in u rispettu di l’ambienti è a privenzioni di a pulluzioni. Di fattu, piddani cura di limità i risichi di poulluzioni di tutti i modi di pettu à l’acqua, a tarra, l’aria, è ancu puru à i danni sonori prudutti da i so veiculi è da u so materiali.

Adoprani Paulu è Ghjuvani oli biodegradevuli pà i mutori, i cateni di i seghi à mutori è i circuiti idrolichi ; s’aghjovani di kits contru à a poluzioni è ricuparani ogni stagnonu, cartucci di grassa, imbalasgi di pezzi staccati, filtri diversi.

In oltru, cacciani sempri sempri i scarti è i ritagliuli in ecocentri agreati.