Prudutti nustrali

I Dulcetti di Letizia

A biscutteria « I dulcetti di Letizia » hè stata creata da Letizia Biondi, in u so paesi di Livesi.

À Letizia, l’hè sempri piaciuta à fà dolci da rigalà i papilli d’ognunu. Da a realisazioni di cunfitturi fatti cù i frutti di l’ortu, à a creazioni di so maccheroni fatti « à modu soiu », l’impresa hà sempri circatu à innuvà è prupona tanti spezii di biscuttini :

-Canistrelli à u meli, pralinati o u pistacghju, biscotti agrumi, dulcetti à a farina castagnina è a nuciola, biscuttini sabbii marullosi è u pruduttu maiò : l’amaretti fatti « à modu soiu » è pruposti in parechji perfumi.

L’ ingredienti aduprati ghjunghjani per a maiò parti, da pruduzzioni lucali bio o in vendita diretta.

Truvareti issi prudutti in parechji lochi di a vaddi ma dinò à l’atellu di cunfezzioni, in paesi di Livesi.

Biscuiterie i Dulcetti di Letizia.
Quartier Valdo
20140 Livesi
Tel : 06 22 99 22 82