Attività outdoor

E bike moutain

Tramindui criatori d’E-bike mountain, da scopra a vaddi alta di u Taravu, Jean-Marc Simeoni è Anthony Bartoli vi pruponani à pighjò, VTT cù aiutu elettricu è l’imbernu racchetti di nevi.

Jean-Marc è Antonu tramindui accasati in u paesi di Zicavu, ani pà solu scopu di fà scopra u so rughjoni, d’allità i visitadori versu i pruduttori, addivadori è artisgiani da purtà li versu à a ricchezza patrimuniali, à i valori è à i tradizioni di a vaddi di Taravu. « Vulemi fà campà u rughjoni, fà nascia per u visitadoru a brama di priservà ‘stu tarritoriu »

Tandu, i dui Taravesi vi pruponani dui formuli :

– Pighjunà i velò elettrichi (o i racchetti à nevi) sopra piazza è sfruttà si una ghjurnata in libartà.

– Accuncià una spassighjata accumpagnata da pruffità di una guida à mezu à i paesi o à a vaddi di l’Altu Taravu, o ancu puru di puzzini sicreti nantu à U Cuscionu.

I spassighjati accumpagnati v’assicureghjani una guida di prima trinca, un spuntinu ma dinò l’assicuranzi di rispunsabilità prufissiunali.

Pudeti ancu pighjunà u vostru materiali in linea.

U situ web