Prudutti nustrali

Biscuiterie Desanti

Dumencu Desanti s’accuppa, oghji, di l’impresa famigliali chì esisti dipoi parechji generazioni. Da a fattura di u pani, s’hè messu, oghji, à a biscuttaria è a pastizzaria.

Truvereti, tuttu l’annu, i biscuttini « Ruletti » in parechji butteghi è punti di vendita di u rughjoni ma dinò, à l’occasioni di si staghjoni : fritteddi à u brocciu, vasteddi, pani di i morti, caccaveddi, frappi è altri sosuli tradiziunali è famigliali.

Quand’è vò cumandeti, scuprareti i magnifichi pastizzi d’anniversariu o di festi. È pudereti « chjamà » i talenti creatori di Dumenicu par a realisazioni di i vosci matrimonii è battesimi.

Vi dumandemi di telefunà à a biscuttaria par cumandi particulari o par cunnoscia i punti di vendita

U situ web